Linux Jarayonlari (Processes)

Serverda uzoq davom etadigan vazifani to'g'ri ishga tushirish va nazoratdan chiqqanini to'xtatish — jarayon boshqaruvining ikki asosiy ko'nikmasi. Darsdagi ps, pgrep, kill, nohup, nice — hammasi shu labda ishga tushadi. Vazifa Uzoq vazifani past ustuvorlik (nice qiymati 10 ) bilan fonda , terminal yopilsa ham o'lmasin deb (nohup) ishga tushiring: vazifa sifatida sleep 600 ishlating. Uning PID ini toping (pgrep yoki $!) va /root/jarayon-pid.txt fayliga yozing. "Qochoq" jarayonni simulyatsiya qiling: sleep 999 ni fonda ishga tushiring, ps/pgrep bilan toping, keyin nomi bo'yicha o'ldiring (pkill) — tekshiruv payti u ishlamayotgan bo'lishi kerak. Signal bilimingizni /root/signal-javoblar.txt ga yozing: Muvaffaqiyat mezoni sleep 600 ishlab turibdi, nice qiymati aynan 10, PID fayli to'g'ri sleep 999 topilmaydi (o'ldirilgan)

Xato deploy tufayli eski versiya ishchi jarayonlari to'xtatilmasdan qolib ketgan va ular yangi versiya bilan resurs uchun kurashmoqda. Ularni to'plab to'xtatish kerak. Vaziyat Eskirgan ishchilar: release-1.4 yorlig'i bilan ishlaydi (bir nechta nusxa) Joriy ishchi: release-1.5 yorlig'i bilan — u ishlab turishi kerak Vazifa Faqat eskirgan (release-1.4) ishchilarni aniqlab, hammasini to'xtating. Joriy ishchiga tegmang. Muvaffaqiyat mezoni release-1.4 ishchilarining hammasi to'xtatilgan release-1.5 ishchisi ishlashda davom etadi

Monitoring server yukining keskin oshganini ko'rsatmoqda — javob vaqtlari yomonlashdi. Bitta jarayon CPU'ni to'liq egallab olgan, ammo qaysi biri ekani noma'lum. Serverda boshqa muhim xizmatlar ham ishlab turibdi — ularga tegib bo'lmaydi. Vazifa CPU'ni haddan tashqari iste'mol qilayotgan jarayonni aniqlang va uni xavfsiz to'xtating . Boshqa ishlab turgan xizmatlarga zarar yetmasin. Muvaffaqiyat mezoni Resursni yeb turgan jarayon to'xtatilgan Tizimning qonuniy xizmatlari ishlashda davom etadi

Fon hisob-kitob (analytics) vazifasi ishga tushirilgan, ammo u CPU'ni interaktiv xizmatlar bilan teng talashmoqda va foydalanuvchilar sekinlashishni sezmoqda. Fon vazifasi to'xtatilmasligi kerak (uning natijasi baribir zarur) — faqat u tizimga past ustuvorlik bilan, boshqalarga xalaqit bermay ishlashi kerak. Vaziyat Fon vazifasi: /opt/batch/analytics.sh (hozir oddiy ustuvorlikda ishlayapti) Vazifa Fon vazifasining CPU ustuvorligini sezilarli darajada pasaytiring (uni o'chirmasdan). Muhim xizmatlar CPU'ni birinchi olsin. Muvaffaqiyat mezoni analytics.sh ishlashda davom etadi (to'xtatilmagan) Uning ustuvorligi past (nice qiymati yuqori) qilingan

Monitoring tizim CPU yukining keskin oshganini ko'rsatmoqda, ammo sabab noma'lum. Yukning asosiy manbasini aniqlab , tashxis xulosasini yozish kerak (bu — birinchi tahlil bosqichi; jarayonni to'xtatish hozircha talab qilinmaydi). Vazifa Eng ko'p CPU iste'mol qilayotgan jarayonni aniqlang va tashxisni /root/cpu-diagnosis.txt fayliga yozing: jarayon nomi (yoki to'liq yo'li), taxminiy CPU foizi va qisqa xulosa. Muvaffaqiyat mezoni Tashxis fayli tuzilgan Aybdor jarayon to'g'ri aniqlangan va hujjatlashtirilgan

Monitoring zombi (defunct) jarayonlar sonining o'sib borayotganini ko'rsatmoqda. Zombining o'zi zararsiz, ammo ular jarayon jadvalini (PID) to'ldiradi va ko'payishi tizimni ishdan chiqarishi mumkin. Zombining o'zini "o'ldirib" bo'lmaydi — u allaqachon o'lgan; muammo uni yig'ib olmayotgan ota-jarayonda . Vazifa Zombilarni to'plab turgan ota-jarayonni aniqlang (ularni wait() qilmayotgan jarayon). Ildiz sababni bartaraf eting (o'sha jarayonni to'xtating). Xulosangizni — qaysi jarayon aybdor ekanini — /root/zombie-analysis.txt fayliga yozing. Muvaffaqiyat mezoni Zombi manbai bo'lgan ota-jarayon to'xtatilgan Ildiz sabab hujjatlashtirilgan Tizimning boshqa xizmatlariga tegilmagan